Jédi 7 novanm 2024, pa bò lékol Ritjilé, té ni bel bagay, dann !
Pou la simenn kréyol-la, sé timanmay-la, dépi toupiti jis sa ki pli gran, pasé an bel bomaten ka dékouvè yonndé mòso fidji matjoukann-nou.
Yo koumansé pa tibren mizik. Popo, Man Marie-Paule DESERT, jwé flit banbou pou mété yo an kondision.
Apré, Man MASSOLIN Josette, pwofésè kréyol, esplitjé ki manniè Ritjilé té ka viv avan, épi lan manniè pou matjé bel lang-nou-an.
Té ni anlo dot aktivité kon : chanboulé tout, lapech kanna, kous adan sak, lantrennman karaté épi Misié CUPIT, lapenti, latilié aprann rimed-razié épi Misié BLENY, latilié dékouvè yonndé bagay, istansil, zouti tou lé jou moun té ka sèvi antan lontan.
An bel mèsi ba sé volontè-a ki montré sé zélev-la sa yo sa fè, an gran mèsi tou ba direktris-la, Man NEWTON épi tout létjip pédagojik-la, san bliyé lanméri épi tout sé tati-a.
Sa té bel toubannman !
