Mardi 14 oktob bomaten, lékol matènel Boutons d’Or, risouvrè misié Valère ÉGOUY, ki vini pour tiré kont épi 3 konpè an maternel-la.
I vini épi Hervé HERY ek toutoun banbou-y (flit tradisionel banbou).
Té ni Sandra, ki sòti la Réyinion ki ka jwé okarina,(an enstriman, souflan, ki ka egzisté Lamérik, dépi milié lanné), i ka jwé an model chacha ki sòti Angola osi, épi flit traversièr tou !
Épi Tereza ki ka fè an tèz anlè kont, ki sòti Tjékoslovaki.
Pou té wè lajwa sé timanmay-la anba timtim épi istwa Gran-Papa Moustach an jaden-y.
An kont ékolojik ka aprann étap dévlopman papiyon, manniè pou planté an jaden, chimen glo…
An moman yo ké sonjé lontan !
David DOZINE – ERLVR